Ljósmæðrafélagið hefur gefið út Ljós­mæðrablaðið samfellt frá því árið 1922. Það telst vera elst kvennablaða sem enn er í útgáfu. Í dag er blaðið ritrýnt fagtímarit og kemur út tvisvar á ári. Núverandi rit­stjóri er Ólöf Ásta Ólafsdóttir. Allir árgangar blaðsins eru aðgengilegir á vefnum timarit.is.

Í tilefni af 100 ára afmæli Ljósmæðrafélags Íslands var nýlega opnuð sýning í Þjóðarbókhlöðu. Ljósmæðrafélag Íslands stendur að sýningunni í samstarfi við Kvennasögusafn Íslands og Landsbókasafn Íslands – Háskólabókasafn.