Jóhann Sigurjónsson fæddist á Laxamýri 1880 og lést úr berklum í Kaupmannahöfn 1919. Nú er því 100. ártíð hans. Jóhann er hvað þekktastur fyrir leikritið Fjalla-Eyvindur. Leikrit í fjórum þáttum sem gefið var út á bók 1912. Leikritið var sett á svið og naut hylli á Norðurlöndunum og í Þýskalandi og einnig í Bandaríkjunum. Victor Sjöström gerði kvikmynd eftir bókinni 1918. Jóhann bjó lengst af í Danmörku og skrifaði jöfnum höndum á íslensku og dönsku.
Leikritið er byggt á þjóðsögu um Fjalla-Eyvind Jónsson sem er einn þekktasti útilegumaður Íslandssögunnar og var raunveruleg persóna sem uppi var á 18. öld. Kona Fjalla-Eyvindar, Halla Jónsdóttir, lá úti með honum um 20 ára skeið. Þau höfðu bústaði víða um land, m.a. á Hveravöllum þar sem Eyvindarhver ber nafn hans.
Hér má lesa leikritið Fjalla-Eyvindur. Leikrit í fjórum þáttum á baekur.is
Netspjall_
Vinsamlegast kynntu þig með nafni og netfangi.
Spjallið er opið 9:00 - 16:00 virka daga.