Viðurkenning Hagþenkis var veitt 4. mars í Þjóðarbókhlöðunni við hátíðlega athöfn en viðurkenninguna hlaut Björk Ingimundardóttir fyrir ritið Prestaköll, sóknir og prófastsdæmi á Íslandi I–II  sem Þjóðskjalasafn gaf út. Í ályktunarorðum viðurkenningaráðsins segir um ritið: „Yfirgripsmikið uppflettirit ásamt kortum sem auðveldar yfirsýn yfir sögu landsins og á eftir að nýtast í margvíslegum rannsóknum um langan aldur. Sagnfræðilegt stórvirki.“ Viðurkenninguna veitti formaður Hagþenkis, Svanhildur Kr. Sverrisdóttir. Ragnheiður Ólafsdóttir flutti tónlist við athöfnina.  Af þessu tilefni hefur verið sett upp lítil sýning í Þjóðarbókhlöðu þar sem má sjá m.a gögn frá Þjóðskjalasafni sem nýttust við samantekt ritanna; Vísitasíubók frá Austfjörðum, bók um kirkjustól Ness í Aðaldal og kort yfir sóknir í Vestur-Landeyjum og hluta Hvolhrepps í Rangárvallasýslu árið 1767.