Þjóðarbókhlaðan verður opnuð 4. maí

30.04.2020

Landsbókasafn Íslands – Háskólabókasafn, Þjóðarbókhlaðan, verður opnað 4. maí 2020, eftir að hafa verið lokað frá 16. mars þegar bann á samkomur, vegna kórónuveirunnar (Covid-19), var sett.

Safnið verður opið með ákveðnum takmörkunum sem samkomubannið sem tekur gildi 4. maí, setur. Takmörkin eru að ekki séu fleiri en 50 einstaklingar (gestir og starfsmenn) á sama tíma í sama rými og að 2 metrar verði alltaf á milli fólks.

Safnið er opið 9:00 – 17:00 virka daga. Lokað um helgar.

100 gestir geta verið í Þjóðarbókhlöðu á sama tíma. Sæti eru fyrir eftirtalinn fjölda gesta á hverri hæð.

  • 4. hæð 40 gestir
  • 3. hæð 40 gestir
  • 2. hæð 10 gestir
  • 1. hæð 10 gestir

 

Í anddyri á 1. hæð er afgreiðsluborð, þar sem gestir tilkynna komu sína í Þjóðarbókhlöðu.

Í anddyri er hægt er skila bókum og sækja pantanir. Hægt að senda tölvupóst á utlan@landsbokasafn.is og panta efni sem er þá sótt í anddyrið á opnunartíma, eftir að staðfesting hefur borist um að efni sé tilbúið til afhendingar.

Skiladagur á bókum sem hafa verið í útlánum er 14. maí, nema á innanhúss- og skammtímalánsbókum, þar er skiladagur 4. maí.

Gestir sótthreinsa sjálfir borð, lyklaborð og ljósritunarvélar sem þeir nota, við komu og eftir notkun. Sótthreinsiefni og hanskar eru í afgreiðslu á hverri hæð.

Lesherbergi eru opin, en hópvinnuherbergi eru lokuð.

Eftirfarandi þjónusta er skert og/eða ekki í boði:

  • Veitingastofa og matar-, kaffi- og nestisaðstaða á 2. hæð er lokuð
  • Hópvinna – ekki er hægt að bóka hópvinnuherbergi
  • Það er ekki hægt að skreppa út og „halda plássi“
  • Eingöngu er hægt að vera á þeirri hæð þar sem eru lausir stólar, en gestir mega ná sér í efni á öðrum hæðum

Starfsmenn áskilja sér rétt til að loka eða rýma svæði eftir þörfum. Ef gestir fara ekki eftir ofangreindum reglum, má vísa þeim úr húsi.

Bókasafnið í Lögbergi verður opið með svipuðum hætti, sumaropnun og tveggja metra reglan í heiðri höfð.

 

Munið að virða 2 metra regluna!

 

Við minnum á að eftirfarandi í tengslum við þjónustu safnsins:

Netspjall safnsins er opið virka daga 9:00 – 16:00 á vef safnsins landsbokasafn.is.

Til að hafa samband við þjónustuborð:

Við viljum sérstaklega hvetja til notkunar rafrænna safna við heimildaöflun og vekja athygli á rafrænu safni okkar (gagnasöfn, tímarit og bækur) á vefnum landsbokasafn.is. Hikið ekki við að senda okkur línu ef þið þurfið aðstoð við leitir. Athugið að stundum þurfa nemendur og starfsmenn HÍ að nota fjaraðgang (VPN) til að komast inn á gagnasöfnin og bækur utan háskólasvæðisins.

Einnig minnum við á fjölbreyttar upplýsingar og leiðbeiningar í leiðarvísasafninu Áttavitinn og vekjum sérstaklega athygli á eftirtöldum leiðarvísum:

 

Handritasafn, Íslandssafn, Kvennasögusafn og Hljóð- og myndsafn


Til baka

Netspjall_

Vinsamlegast kynntu þig með nafni og netfangi.

Hleður spjall...
Netspjall