Fréttasafn - Landsbókasafn

Tilnefningar til Maístjörnunnar 2019

08.05.2020

Maístjarnan, ljóðabókaverðlaun Landsbókasafns Íslands – Háskólabókasafns og Rithöfundasambands Íslands verða veitt í fjórða sinn í maí.

Tilnefningar til Maístjörnunnar vegna ljóðabókar útgefinnar 2019 voru kynntar við athöfn í Gunnarshúsi þann 7. maí.

Tilnefndir eru:

  • Jónas Reynir Gunnarsson – Þvottadagur (Páskaeyjan)
  • Kristín Eiríksdóttir – Kærastinn er rjóður (JPV)
  • Sigurlín Bjarney Gísladóttir – Undrarýmið (Mál og menning)
  • Þórður Sævar Jónsson – Vellankatla (Partus)
  • Þór Stefánsson – Uppreisnir (Oddur)


Tilnefndar bækur eru allar til sýnis í anddyri Þjóðarbókhlöðunnar.

Gjaldgengar voru allar útgefnar íslenskar ljóðabækur ársins 2019 sem skilað var til Landsbókasafns Íslands – Háskólabókasafns og fékk dómnefnd þær til umfjöllunar. Dómnefnd skipa Guðrún Steinþórsdóttir fyrir hönd Rithöfundasambandsins og Arnaldur Sigurðsson fyrir hönd Landsbókasafns.

Verðlaunin verða veitt við athöfn í Þjóðarbókhlöðunni síðar í maí. Verðlaunafé er 350 þúsund krónur.

Maístjarnan er einu verðlaun á Íslandi sem veitt eru eingöngu fyrir útgefna íslenska ljóðabók. Verðlaununum er ætlað að vekja sérstaka athygli á blómlegri ljóðabókaútgáfu á Íslandi.

Á myndinni eru vinstri: Sigurlín Bjarney Gísladóttir, Þór Stefánsson, Jónas Reynir Gunnarsson, Þórður Sævar Jónsson og Ingibjörg Hilmarsdóttir f.h. Kristínar Eiríksdóttur


Til baka

Netspjall_

Vinsamlegast kynntu þig með nafni og netfangi.

Hleður spjall...
Netspjall