Maístjarnan

ljóðabók ársins 2019

Sýning í Þjóðarbókhlöðu

26.05.2020 - 31.12.2020

Maístjarnan, ljóðabókaverðlaun Landsbókasafns Íslands – Háskólabókasafns og Rithöfundasambands Íslands voru veitt í fjórða sinn í maí. Maístjörnuna fyrir ljóðabók ársins 2019 hlaut Jónas Reynir Gunnarsson fyrir ljóðabók sína Þvottadagur.

Í umsögn dómnefndar um verðlaunabókina segir:

„Þvottadagur er afar innihaldsrík og margræð ljóðabók. Einkennandi fyrir ljóðin er kraftmikið og hrífandi myndmál og þótt viðfangsefni þeirra séu gjarnan alvarleg er ísmeygilegi húmorinn sjaldnast langt undan. Þetta er sterkt og vandað verk sem vekur lesanda til umhugsunar og hreyfir við honum.“

Jónas Reynir Gunnarsson er fæddur 1987. Hann er alinn upp í Fellabæ og nam ritlist við Háskóla Íslands. Hann hefur áður sent frá sér skáldsögurnar Millilendingu og Krossfiska, verðlaunaleikritið Við deyjum á Mars og ljóðabækurnar Leiðarvísi um þorp og Stór olíuskip, en fyrir þá síðarnefndu var hann tilnefndur til Maístjörnunnar og hlaut Bókmenntaverðlaun Tómasar Guðmundssonar 2017. Millilending var tilnefnd til Menningarverðlauna DV 2017. Þvottadagur er síðasti kafli þríleiks sem hófst með Leiðarvísi um þorp og hélt áfram í Stórum olíuskipum.

Aðrar tilnefndar ljóðabækur voru Kærastinn er rjóður eftir Kristínu Eiríksdóttur (JPV); Undrarýmið eftir Sigurlín Bjarneyju Gísladóttur – (Mál og menning); Vellankatla eftir Þórð Sævar Jónsson (Partus) og Uppreisnir eftir Þór Stefánsson (Oddur).

Bækur Jónasar ásamt tilnefndum ljóðabókum ársins 2019 eru á sýningu í Þjóðarbókhlöðu til 31. desember 2020.

Eldri sýningar og viðburðir

Allar sýningar

Orðabók Blöndals

Sýning í Þjóðarbókhlöðu

Sjá nánar

Við tökum vel á móti þér

Sýning í Þjóðarbókhlöðu

Sjá nánar
Pappírshandrit og skinnblöð

Pappírshandrit og skinnblöð

Sýning í Þjóðarbókhlöðu

Sjá nánar
Þýðingar á íslenskum bókmenntum

Þýðingar á íslenskum bókmenntum

Sýning í Þjóðarbókhlöðu

Sjá nánar

Netspjall_

Vinsamlegast kynntu þig með nafni og netfangi.

Hleður spjall...
Netspjall