Jón Vídalín (1666-1720) Skálholtsbiskup ritaði þetta predikanasafn sem var gefið út á árunum 1718-1720. Vídalínspostilla eða Jónsbók varð ein mest lesna bókin á Íslandi næstu eina og hálfa öldina. Hún inniheldur predikanir fyrir hvern hátíðisdag kirkjunnar, sem fólk gat lesið upp úr heima við. Jón Vídalín nálgaðist skrifin út frá sjónarhóli eldpredikarans sem benti vægðarlaust á syndsamlegt líferni lesenda. Hann studdist við eftirtalin rit við gerð Vídalínspostillu: Harmonia Evangelica eftir Chemnitz, Leyser og Gerhard; og The Practice of Christian Graces or the Whole Duty of Man eftir Allestree. Með vinsældum sínum meðal almennings lagði Vídalínspostilla sitt af mörkum við varðveislu tungumálsins og hafði jafnframt mikil áhrif á siðgæði þjóðarinnar.

Vídalínspostillu má skoða á baekur.is