Dagana 23.-29. október nk. verður haldin alþjóðleg vika opins aðgangs 2023. Dagskráin í ár er sérstaklega fjölbreytt, þökk sé Bókasafnasjóði sem styrkti vikuna veglega. Skipulagningu hefur annast samstarfshópur háskólabókasafna um opinn aðgang/opin vísindi. 

Dagskrána má sjá hér og þar er einnig hægt að skrá sig á hvern viðburð fyrir sig:  https://opinnadgangur.is/vika-opins-adgangs-2023 

Vefkynningar eru fjórar og fara allar fram á TEAMS auk þess verður málstofa haldin 25. október í Grósku og á TEAMS. 

Opin vísindi/opinn aðgangur er sérlega mikilvægt málefni sem snertir alla rannsakendur og hefur samstarfshópurinn fengið til liðs við sig erlenda fyrirlesara og sérfræðinga sem þekkja vel til þessara mála.  

Yfirskrift vefkynninganna er: 

• Open Access and Creative Commons licences in the light of copyright
• Rights Retention Policy at the University of Edinburgh, a review of the first 18 months
• Open access to research data in practice
• Research Assessment 

Málstofan er ætluð öllum rannsakendum og áhugasömum um opinn aðgang/opin vísindi og við skorum sérstaklega á unga rannsakendur sem eru að taka sín fyrstu skref að taka þátt. 

Efni: 

• Að birta í opnum aðgangi 
• Reynsla rannsakenda
• Rányrkjutímarit – að birta í traustum tímaritum 
• Preprints – CC afnotaleyfi
• Umræður og veitingar 

Athugið að það þarf að skrá sig á hvern viðburð. 

Samstarfshópur háskólabókasafna um opin vísindi/opinn aðgang