Í tilefni af 75 ára afmæli Þjóðleikhússins verða allar leikskrár Þjóðleikhússins frá upphafi gerðar aðgengilegar á timarit.is og vef Þjóðleikhússins. Landsbókasafn Íslands og Þjóðleikhúsið skrifuðu undir samstarfsamning um verkefnið á dögunum. Leikskrárnar verða skráðar, skannaðar og gerðar aðgengilegar á vefnum timarit.is. Þetta er stór áfangi í miðlun leiklistarsögunnar. Það er Sigríður Jónsdóttir, sérfræðingur hjá Leikminjsasafni, sem hefur leitt þessa vinnu. Á myndinni eru Örn Hrafnkelsson, Landsbókavörður, Melkorka Tekla Ólafsdóttir, dramatúrg Þjóðleikhússins, Sigríður Jónsdóttir, sérfræðingur hjá Leikminjasafni, Emma Björk Hjálmarsdóttir sérfræðingur á Íslandssafni og Magnús Geir Þórðarson, Þjóðleikhússtjóri.

Hér má skoða leikskrár Þjóðleikhússins á timarit.is