Evrópska menningargáttin Europeana hefur nú fengið nýtt viðmót sem á að auðvelda notendum aðgang að stafrænum endurgerðum safna um alla Evrópu. Meðal nýjunga eru sveigjanlegt viðmót fyrir snjallsíma og spjaldtölvur og notendavænni leit.
Lýsigögn í Europeana eru nú gefin út með sérstöku notandaleyfi, CC0, eða almenningsleyfi Creative Commons. Europeana býður auk þess upp á forritunarviðmót til að aðrir geti smíðað forrit sem nýta þjónustu gáttarinnar.
Mörg hundruð menningarstofnanir í Evrópu leggja Europeana til efni. Þar á meðal eru tvær íslenskar stofnanir: Landsbókasafn Íslands - Háskólabókasafn og Náttúrufræðistofnun Íslands.
Netspjall_
Vinsamlegast kynntu þig með nafni og netfangi.