Á mánudaginn kemur hefur göngu sína þáttur á Rás 1 í umsjón meistaranema í sagnfræði við Háskóla Íslands sem nefnist Sagan í munnlegri geymd. Þættirnir verða átta talsins og fjalla um mannlíf og atburði á liðinni öld. Efnið er fengið úr viðtölum og frásögnum einstaklinga sem varðveitt eru í hljóðritasafni Miðstöðvar munnlegrar sögu. Þættirnir voru unnir undir handleiðslu Guðmundar Jónssonar prófessors og Arnþórs Gunnarssonar verkefnastjóra Miðstöðvar munlegrar sögu.
Fyrsti þátturinn ber heitið Múlka og stúlkurnar í Reykjavík og er í umsjón Kristínar Svövu Tómasdóttur. Í þættinum segir Anna Klemensdóttir, kennd við Laufás í Reykjavík, frá lífinu í Reykjavík á fyrstu áratugum 20. aldar, og rússnesku ævintýrastúlkunni Múlku sem setti svip á bæjarlífið árið 1913.
Þættirnir eru á mánudögum kl. 20.30. Höfundar og efni eru sem hér segir:
Netspjall_
Vinsamlegast kynntu þig með nafni og netfangi.