Frá skruddum til skýja – Rannsóknir í bókasafns- og upplýsingafræði          

Frá skruddum til skýja – Rannsóknir í bókasafns- og upplýsingafræði er heiti ráðstefnu nýútskrifaðra meistaranema í bókasafns- og upplýsingafræði. Ráðstefnan er árlegur viðburður á vegum námsbrautar í bókasafns- og upplýsingafræði við Félags- og mannvísindadeild Háskóla Íslands. Fjölbreytt erindi eru á dagskrá og að þessu sinni kynna 12 fyrirlesarar rannsóknir sínar á sviði bókasafns- og upplýsingamála. 

 

Rannsóknir sem þessar gegna mikilvægu hlutverki í þróun og nýsköpun og bæta jafnt og þétt  í upplýsingabrunn greinarinnar. Þær leggja íslensku samfélagi og atvinnulífi til mikilvæga þekkingu sem getur gagnast jafnt opinberum aðilum sem einkafyrirtækjum. Ráðstefnan er því tilvalinn vettvangur fyrir starfandi sérfræðinga á sviðinu og aðra sem vilja auka við þekkingu sína í bókasafns- og upplýsingafræði. 

 

Ráðstefnan er ókeypis og öllum opin.