Zusammengezogene Karte des Nordmeeres - Carte reduite de la mer du nord

Þetta kort eftir franska kortagerðarmanninn Jacques Nicolas Bellin birtist fyrst í frásögn Kerguélen–Trémarecs af leiðöngrum hans um norðanvert Atlantshaf 1767 og 1768. Eftirmyndir kortsins birtust víða, m.a. í safni ferðasagna sem var gefið  út í Leipzig 1774, Allgemeine Historie der Reisen zu Wasser und zu Lande. Á kortavef Landsbókasafns Íslands – Háskólabókasafns, islandskort.is, er mynd af kortinu. Upprunalega kortið er í bók Yves Joseph de Kerguélen-Trémarec sem varðveitt er í safninu,  Relation d'un voyage dans la Mer du Nord, Aux Côtes d'Islande, du Groenland, de Ferro, de Schettland, des Orcades & de Norwége, Fait en 1767 & 1768. Paris, 1771.

(Smellið á myndina til að sjá kortið á vefnum Íslandskort.is)

Kortið er kjörgripur safnsins í júnímánuði í tilefni af sýningunni Kerguélen á Íslandi.