Tryggvi Magnússon og skjaldarmerkið

Sýning í Þjóðarbókhlöðu

Sýningin Tryggvi Magnússon og skjaldarmerkið er í tilefni af 70 ára afmæli lýðveldisins og má þar m.a. sjá teikningar sem afkomendur Tryggva hafa afhent til safnsins. Að auki eru sýnd verk úr Þjóðminjasafni og úr einkaeigu. Á sýningunni má sjá margar tillögur Tryggva og annarra teiknara að lýðveldisskjaldarmerki auk eldri skjaldarmerkja Íslands. Þegar leið að endurreisn lýðveldisins 1944, fól Björn Þórðarson forsætisráðherra  þremur ráðuneytisstjórum; Vigfúsi Einarssyni, Agnari Kl. Jónssyni og Birgi Thorlacius, ásamt Matthíasi Þórðarsyni þjóðminjaverði, sem hafði verið ráðunautur um gerð skjaldarmerkisins 1919 að láta gera breytt skjaldarmerki. Matthías Þórðarson hafði milligöngu um að fá  marga helstu myndlistarmenn þjóðarinnar til þess að gera tillögur að nýju skjaldarmerki, svokölluðu lýðveldismerki. Fór svo að  teikning Tryggva Magnússonar var samþykkt og opinberuð á ríkisráðsfundi 17. júní 1944 sem skjaldarmerki lýðveldisins Íslands. Kórónan var felld í burtu af merkinu og lögun skjaldarins breytt. Skjaldberarnir voru teiknaðir með öðrum hætti en áður og einnig undirstaðan, sem skjöldurinn hvíldi á. Við gerð undirstöðunnarhafði Tryggva í huga „kirkjugólfið” á Kirkjubæjarklaustri. Frummyndin og tillögurnar eru varðveittar í Þjóðminjasafninu, en skissur og aðrar teikningar eru varðveittar á Landsbókasafni Íslands – Háskólabókasafni og í einkaeigu.

Sýningin stendur til 1. febrúar 2015.

Sýningarskrá (pdf)

Eldri sýningar og viðburðir

Allar sýningar
Selma Jónsdóttir – 100 ára minning

Selma Jónsdóttir – 100 ára minning

Sýning í Þjóðarbókhlöðu

Sjá nánar
Á aðventu 1994

Á aðventu 1994

Sýning í Þjóðarbókhlöðu

Sjá nánar
Jólin koma - Idą święta

Jólin koma - Idą święta

Sýning í Þjóðarbókhlöðu

Sjá nánar
Jólamerki Thorvaldsensfélagsins

Jólamerki Thorvaldsensfélagsins

Sýning í Þjóðarbókhlöðu

Sjá nánar

Netspjall_

Vinsamlegast kynntu þig með nafni og netfangi.

Hleður spjall...
Netspjall