eftir Björk Guðmundsdóttur

Björk Guðmundsdóttir gaf á eigin vegum út ævintýrið Um Úrnat sem var fjölritað á vatnslitapappír í takmörkuðu upplagi árið 1984. Kverið er 16 síður með handskrifuðum texta og teikningum eftir Björk sem hún hefur litað með vatnslitum og vaxlitum. Sjálf segist Björk hafa verið að reyna að safna pening fyrir húsaleigu með útgáfunni. Kverið er nú eftirsótt af söfnurum. Björk segir á titilsíðu að Úrnat sé „frekar óskilgreint og óþýðandi orð tekið úr papúönsku, en þýði eitthvað í líkingu við „ferð“ eða „ferðalag“. Frásögnin hefst þannig:

„Undir tuttugu náttúrusteinum var Keldur. Eftir áralanga leit hafði Nraríða krafist þess
að hann kæmi upp
að hann hysjaði upp um sig
og að hann hætt´ að gramsa
- það kæmist upp um hann.“