ISSN-númer

Alþjóðlegt tímaritsnúmer (International Standard Serial Number – ISSN), er staðall númer 3297 frá alþjóðlegu staðlastofnuninni ISO. Vegna mjög mikillar útgáfu tímarita í heiminum og vinnslu skráa yfir þau í tölvum var ákveðið að gefa hverjum titli eitt númer sem auðkennir hann.

Landsbókasafn Íslands – Háskólabókasafn er landsmiðstöð fyrir alþjóðlega tímaritsnúmerakerfið. Hlutverk landsmiðstöðvar er að úthluta ISSN-númerum fyrir íslensk tímarit, annast skráningu þeirra í tölvuskrá alþjóðastofnunar ISSN og kynna og útbreiða kerfið hér á landi. Úthlutun og upplýsingaþjónusta er veitt útgefendum að kostnaðarlausu. Á móti ber þeim að skila eintökum til safnsins samkvæmt lögum um skylduskil.

ISSN-númerum er úthlutað fyrir blöð, tímarit, ritraðir, ársrit og ársskýrslur á prentuðu formi jafnt sem rafrænu. Æskilegt er að sækja um ISSN-númer fyrir ný tímarit áður en fyrsta tölublað er gefið út. Útgefandi ber ábyrgð á að láta prenta ISSN-númerið rétt á tímaritið bæði með venjulegu letri og í formi strikamerkis.

Hægt er að fá úthlutað ISSN-númeri fyrir öll blöð, tímarit, ritraðir og ársrit. Æskilegt er að sækja um ISSN-númer fyrir ný tímarit áður en fyrsta tölublað er gefið út. Útgefandi ber ábyrgð á að láta prenta ISSN-númerið rétt á tímaritið bæði með venjulegu letri og í formi strikamerkis.

Hægt er að senda tölvupóst á netfangið helga.k.gunnarsdottir (hja) landsbokasafn.is fyrir frekari upplýsingar.

Sjá nánar:

 

Leiðbeiningar um notkun ISSN-númera (.pdf)
Umsóknareyðublað

Netspjall_

Vinsamlegast kynntu þig með nafni og netfangi.

Hleður spjall...
Netspjall