Á fæðingardegi Halldórs Laxness, þann 23. apríl, var opnuð sýning í safninu í tilefni aldarafmælis Barns náttúrunnar, fyrstu skáldsögu Halldórs. Sýningin ber heitið Að vera kjur eða fara burt? og er samstarfsverkefni Landsbókasafns Íslands - Háskólabókasafns, Gljúfrasteins, Reykjavíkur Bókmenntaborgar UNESCO og Forlagsins. Safnaráð og Vinafélag Gljúfrasteins styrkja verkefnið. Texta sýningarinnar skrifa fræðimenn og listafólk. Þar skrifar Haukur Ingvarsson um skáldsöguna Barn náttúrunnar, Halldór Guðmundsson skrifar um barnið Halldór Laxness sem var aðeins sextán ára þegar hann skrifaði söguna. Kristín Marja Baldursdóttir fjallar um myndlist á Íslandi árið 1919, Árni Heimir Ingólfsson um tónlist þess tíma og Sjón um kvikmyndir. Auður Jónsdóttir skrifar um fjölskylduna í Laxnesi og Unnar Örn um bókaútgáfu í aldarbyrjun.
Netspjall_
Vinsamlegast kynntu þig með nafni og netfangi.