Hljóðrit og kvikmyndir

Safnið tekur á móti skylduskilum á hljóðritum, en með hljóðriti er átt við hvers kyns miðil sem hefur að geyma upptökur á tali og tónum, t.d. hljóðskrár, hljómplötur, hljóðsnældur, geisladiska og hljóðbækur. Þetta efni er varðveitt í hljóð- og myndsafni safnsins, rafrænu varðveislusafni safnsins.

Skil á tónlist

Ef efni er gefið út á áþreifanlegu formi, s.s. hljómplötum, geisladiskum eða hljóðsnældum, skal afhenda þrjú eintök. Þau má senda í pósti eða afhenda í afgreiðslu safnsins, merkt hljóð- og myndsafni.

Æskilegt er að efninu fylgi skilaskrá, sem er einfalt eyðublað sem inniheldur upplýsingar um útgefanda, titla og fjölda eintaka sem er skilað. Hér má finna skilaskrá til útfyllingar og útprentunar.

Einnig er hægt að fá eyðublað um skylduskil í afgreiðslu safnsins og fylla út á staðnum.

Ef efni er gefið út á stafrænu formi þá er afriti af skrám þess skilað eða veittur afritunaraðgangur að þeim á netveitum.

Skilaskylda hvílir á útgefanda.

Allar fyrirspurnir um stafræn skil tónlistar skal senda á hljodogmyndsafn (hja) landsbokasafn.is.

Skil á hljóðbókum

Ef hljóðbók er gefin út á geisladiski eða öðru áþreifanlegu formi þá skal afhenda þrjú eintök af bókinni. Þau má senda í pósti eða afhenda í afgreiðslu safnsins, merkt- hljóð og myndsafni.

Æskilegt er að efninu fylgi skilaskrá, sem er einfalt eyðublað sem inniheldur upplýsingar um útgefanda, titla og fjölda eintaka sem er skilað. Hér má finna skilaskrá til útfyllingar og útprentunar.

Einnig er hægt að fá eyðublað um skylduskil í afgreiðslu safnsins og fylla út á staðnum.

Ef hljóðbók er gefin út á stafrænu formi þá er afriti af skrám hennar skilað með því að nota rafrænt skilahólf safnsins eða veittur afritunaraðgangur að henni á netveitum.

Ef um er að ræða margar og/eða skrár sem stærri eru en 500mb þá má skila efninu með öðrum leiðum svo sem með skýjaþjónustu líkt og WeTransfer, Dropbox o.s.frv.

Skilaskylda hvílir á útgefanda.

Allar fyrirspurnir um stafræn skil hljóðbóka skal senda á skylduskil (hja) landsbokasafn.is

Skil á kvikmyndum

Kvikmyndasafn Íslands tekur á móti skylduskilum á kvikmyndum.