Landsbókasafn | Hljóð- og myndsafn

Hljóð- og myndsafn

Hljóð- og myndsafn er á 4. hæð Þjóðarbókhlöðu. Þar eru varðveitt og aðgengileg útgefin íslensk hljóðrit og kvikmyndir sem safninu berast í skylduskilum, munir og ljósmyndir úr fórum íslensks tónlistarfólks og viðtöl úr Miðstöð munnlegrar sögu. Hægt er að hlusta á hluta hljóðritanna í Hljóðsafninu, hljodsafn.is. Einnig eru kvikmyndir til útláns.

Heildarsafn íslenskrar tónlistar

Hljóðsafn

Stafræn afrit af útgefnum íslenskum hljóðritum

gagnasafn um íslenska tónlist og tónlistararf

Miðstöð munnlegrar sögu

Hljóðrit

Samkvæmt lögum um skylduskil á Landsbókasafn að fá til varðveislu öll hljóðrit sem gefin eru út á Íslandi; þrjú eintök af efni sem gefið er út á föstu formi og afritunaraðgang að vefútgáfu. Tilgangurinn er tvíþættur, annars vegar varanleg varðveisla útgefinna hljóðrita og hins vegar að veita aðgang að íslenskum menningararfi.

Kvikmyndir

Í hljóð- og myndsafni er úrval íslenskra og erlendra fræðslumynda og leikinna kvikmynda sem hægt er að fá að láni í þrjá daga. Þær myndir sem ekki eru til útláns er hægt að horfa á í safninu.

Gjafir

Hljóð- og myndsafn Landsbókasafns Íslands - Háskólabókasafns tekur við gjöfum sem styrkja safnkostinn og eru í samræmi við aðfangastefnu þess. Þeir sem vilja færa safninu gjafir þurfa, áður en til þess kemur, að hafa samband við tengiliði safnsins.

Netspjall